正品小館 (已結業)

行經附近，見到晚市套餐咁平，就入左黎一試，哇，仲要唔指一款$38，幾款都係，真係良心餐廳黎！菜式選擇都好多，全部幾十蚊有得食，平過出面既中菜館好多，出面食仲抵過自己煮呀。海南雞飯 $38今餐飯性價比最高菜底，有雞，有一碗薑黃飯同湯都係$38咋！一到枱仲要係賣相咁靚，好抵食。雞好滑，份量都幾多，真心食得過，酸蘿白都好味。杏汁白肺湯 $38 花膠湯 $48又一推介，奶白色杏汁燉湯都只係$38，花膠咁名貴都係$48。杏汁好濃，冇味精，女士們食有美顏功效，好正！鮮牛肉生滾粥 $68/大碗粥煲得好棉，牛肉多，好食。椒鹽魷魚 $68炸到好香口，不過略硬，有d難咬，唔夠爽口，可改善！小店環境舒適，下次行開哩頭都會再黎食。