時代冰室 (頌安商場)

营业中

休息中

以時代點變，味道始終不變為口號嘅時代冰室，分店都唔少，由於工作地方附近就有間，而且都無太多黃店，所以幫襯都不下數十次，而佢嘅水準都保持得好好，好食嘅繼續好食，難食嘅都仍然難食，好符合佢個口號。蔥油厚切豬扒 伴三眼煎蛋飯 $53可以話係最愛，雖然三隻蛋好似好高膽固醇，但每次最後都會食哂三隻半熟蛋，厚切豬扒先醃過再煎香，口感同味道都好好，豬扒大細都一直保持到，無做耐左就縮水嘅普遍餐廳嘅弊病，而蔥油令豬扒飯更加好食，蔥油處理先加鹽爆香，口感爽脆，另外會有一碗甜豉油，令味道有更多變化。去時代已經只會獨孤一味叫蔥油厚切豬扒 伴三眼煎蛋飯，雖然時代嘅炒烏冬同帶有酸嘅咖哩都唔錯，但始終都係豬扒飯最啱我口味。