時代冰室 (公主大廈) (已結業)

今晚去咗炮台山嘅時代冰室食飯同朋友傾吓偈，特別鐘意冰室嘅氣氛，好有老香港嘅感覺。大家都係食肉獸，所以叫咗一個兩個鐵板餐。我叫咗個重量級美國西冷牛扒餐，照燒汁配意大利粉。加八蚊有個紅豆冰，啱晒大熱天時。西冷牛扒好有份量，肥瘦均勻，肉質鮮嫩，照燒汁同肉汁鎖住喺牛扒入面。朋友叫咗個海陸空三拼鐵板扒，有安格斯牛仔骨，蒜蓉煙肉扒大蝦，妙齡炸乳鴿。睇落好豐富，朋友特別欣賞炸乳鴿，話好入味喎。配冰涷港式奶茶一流。