昭和食堂

营业中

休息中

經過謝斐道見到有間居酒屋裝修得非常之懷舊，今日就安排試吓佢啲嘢食睇吓得唔得。原來𥚃面都一樣裝修得好似7-80年代嘅日本居酒屋，主要都係俾人食小食同飲酒。昭和刺身盛合有別於魚生店，其實呢度主要都係俾人飲酒。啲刺身切到細細粒，方便一啖魚，一啖酒，佢仲俾埋紫菜同飯你可以包著嚟食。粟米天婦羅、炸北海道魷魚絲、川海老唐揚、唐揚雞我覺得炸物做得特別出色。每樣食物都脆而不膩，保留到材料嘅味道。串燒：小手羽、泡菜雞翼、白鱔、煙肉包蠔小手羽即係雞翼尖，去骨之後串成皮串燒烤，限定野，極推薦。白鱔肉厚又彈牙，煙肉包蠔直頭爆汁。燒飯團茶漬最後加個茶漬飯團，飲咗兩杯有啖暖飯落肚先至爽。