影片
更多
2024-01-17
2061 浏览
睇返啲食评纪录，原来都有成大半年无食过自助餐，其实，近几年都少咗食自助餐，因为好老实，无以前咁有食力。不过，一班朋友约出嚟聚一聚，拣食自助餐就方便到大家各有所好，而且，流流长食成晚，大家就可以尽情咁倾，而今次就嚟到尖沙咀「港青」嘅「再临阁」餐厅。虽然成日听人讲北上消费，但今日虽然喺周中，但估唔到全场坐满，真喺有少少意外。环境装修摩登，但杀食位就喺对住文化中心一面全部落地大玻璃，所以，景观开扬。依家感觉香港好似无咗个冬天咁，冻一个星期就暖和返晒。将快又过年，依家都唔知算唔算已经踏入春天，姑勿论点，今晚嘅自助餐主题「春日盛宴自助晚餐 」就有多款菜式环绕春季而设计。价钱方面，平日成人嘅原价要$668，不过，实际喺有59折，折实咗收$460，确喺抵食。整个场地嘅格局都算几归一，一入门口右边就喺食物区，顺路直入，左右两边摆放晒各款食物，唔会东一忽，西一忽。沙律、冻肉盘、生果自助沙律吧唔算喺好大阵容，有两款沙律菜，十零款配料，5款酱汁，以及4款预制好并颇有特色嘅沙律，如椰菜花米沙律、黑醋野菌沙律，。此外，仲有几款冻切肉，如莎乐美肠、无骨黑椒猪柳，又有自家制嘅鹅肝酱添。晌甜品区唔边，仲放有几款新鲜生
虽然成日听人讲北上消费，但今日虽然喺周中，但估唔到全场坐满，真喺有少少意外。环境装修摩登，但杀食位就喺对住文化中心一面全部落地大玻璃，所以，景观开扬。
依家感觉香港好似无咗个冬天咁，冻一个星期就暖和返晒。将快又过年，依家都唔知算唔算已经踏入春天，姑勿论点，今晚嘅自助餐主题「春日盛宴自助晚餐 」就有多款菜式环绕春季而设计。价钱方面，平日成人嘅原价要$668，不过，实际喺有59折，折实咗收$460，确喺抵食。
整个场地嘅格局都算几归一，一入门口右边就喺食物区，顺路直入，左右两边摆放晒各款食物，唔会东一忽，西一忽。
沙律、冻肉盘、生果自助沙律吧唔算喺好大阵容，有两款沙律菜，十零款配料，5款酱汁，以及4款预制好并颇有特色嘅沙律，如椰菜花米沙律、黑醋野菌沙律，。此外，仲有几款冻切肉，如莎乐美肠、无骨黑椒猪柳，又有自家制嘅鹅肝酱添。晌甜品区唔边，仲放有几款新鲜生果，有新鲜菠萝㖞，小弟实唔会错过啦。
打头阵就梗喺一份丰富嘅头盘啦，将上述嘅沙律、冻肉盘、生果样样执啲，砌成一大碟超级头盘，望见都正啦。啲食材食落确喺新鲜，预制好嘅沙律都好好食，加埋啲新鲜生果，呢个头盘够晒高纤、有营，又清爽怡人，绝对喺令人大开胃口嘅前奏。
沙律、冻肉盘、生果
8 浏览
0 赞好
0 留言
虽然无生蚝供应，但所提供嘅冻海鲜有波士顿龙虾、龙虾钳、琵琶虾、松叶蟹脚、龙虾仔、熟虾、大蚬及青口，再佐以几款汁酱，如辣椒豉油、泰式鱼露、咯嗲汁及柠檬角。如果想食蚝都唔喺无，晌热盘区就有芝士焗蚝，为安全理由而唔提供生蚝，改而做成热盘菜式都喺好多自助餐惯常做法。
为咗回吓本，食冻海鲜喺走唔甩嘅选项，又喺砌咗一大碟冻海鲜返嚟，老实讲款款都有质素，波士顿龙虾啲虾肉好爽弹，仲要有咁多膏添，真喺无得顶啦！啲龙虾钳拆咗半壳，一拉出嚟就有得食，啖啖肉，爽呀！而其余嘅海鲜味道咸鲜，可以讲绝无欺场。
海鲜吧
16 浏览
0 赞好
0 留言
跟住落嚟介绍下餐汤，一般自助餐都会供应一款中汤，一款西汤，呢度就有药膳瘦肉汤同南瓜忌廉汤，而面包篮内有多款软包、硬包。芝士方面，都提供有成4款，包括蓝芝士、高达芝士、金文毕芝士及车打芝士，呢几款芝士我都好钟意食。漏咗介绍，晌沙律区附近仲有数款做得精致小巧嘅冷盘小食，如烟熏黑鱼籽鸡蛋、樱花虾豆腐、黑松露蜜桃半芝士、紫蕃薯柚子沙律球 ……等等，都好有亮点。
食完一轮头盘、冻海鲜，都喺时候饮少少汤暖番个胃，小弟就拣咗南瓜忌廉汤，再额外加少少鲜奶，饮落就更加滑溜，南瓜味又够突出，再搭之前介绍过嘅鹅肝酱多士，完全喺高级组合。另外为咗试几款芝士，再配个欧陆小圆包，亦都好好食，而冷盘小食就拣咗黑松露蜜桃半芝士及紫蕃薯柚子沙律球，前者味道复杂，个人觉得未必个个都接受到，但后者就真喺好好食，紫薯蓉打得幼滑，里面又有粒粒爆汁嘅柚子肉，食得过瘾！
餐汤、面包篮、芝士拼盘、冷盘小食
14 浏览
0 赞好
0 留言
本身都喜欢食刺身、寿司，不过，平常食自助餐就好少拣，因为觉得大多数都喺普通嘢，但点都要讲两句，睇相都见款式唔喺好多，反而，侧边有一款即做寿司七彩虾片，原本都谂住试下，不过影完晒相，之后已经遗忘咗，抱歉介绍唔到俾大家知喺乜嘢嚟。
热盘、即煮档口喺时候介绍另一重头类别，就喺热盘同即煮档口呢个大片区啦，介绍几款焦点菜式先，分别喺海鲜喇沙、慢煮鲍鱼、烧美国肋骨牛肉、扒大虎虾，啲卖相非常吸引，虽然啲鲍鱼、虎虾每次限攞一客，但后段大家都食饱晒之际，已经无限咁任攞！
跟住，就再一口气介绍埋其他热盘，无影太多相，唯有文字记录，俾大家参考吓：香草烧T骨羊扒、炸薯丝虾卷、芝士焗蚝、鱿鱼仔墨汁面、 柚子蜜黑豚肉、烧新薯、黄金锅钯、香草牛油焗法国田螺、酱烧鸡、蜜饯三色甘笋、蒸比目鱼、日式牛肋条。
人大咗，胃纳有限，所以，都精华啲拣最心水𠮶几款，再件少少烧新薯同蜜饯甘笋，扮晒成碟主菜咁。鲍鱼果然好入味，口感柔韧有咬口；肋骨牛肉正呀喂，好有肉味，而羊扒无得输，煎得系香，肉质软腍；扒虎虾亦都好正，虾肉极之弹牙，充满虾鲜味！
热盘、即煮档口
21 浏览
0 赞好
0 留言
甜品、雪糕 所有甜品都放晒近门口嘅一角，所以，一入餐厅，多多少少都被啲色彩缤纷嘅甜品所吸引。因为小弟工作关系，加上自助餐6:15pm就开始，所以，未能影到所有蛋糕嘅完整全貌，不过，单睇款式都应该几唔错，一边长枱放有花彩杯子蛋糕、柚子蜜糖布甸、白桃奶冻、樱花水玄饼、花盆杯、香橙西柚蛋糕、鲜花蜜糖蛋糕、蜜糖芝士饼、草莓挞；另一边仲有桂花小丸子、豆腐花、即做班戟、心太软、暖苹果挞，所以，款式确喺唔少。此外，仲提供Häagen-Dazs雪糕 ，口味会不停转款。
最终，拣咗9款甜点砌成我嘅甜品拼盘，朋友话估唔到我喺咁钟意食甜品㖞，无错，小弟都算喺甜魔。综合而言，质素比预期好㖞，奶冻做得滑溜，蜂蜜蛋糕喺几清甜，班戟皮薄好食，仲有Häagen-Dazs咖啡口味雪糕，啱晒我啦。
甜品
81 浏览
0 赞好
0 留言
虽然无乜点影到自己饮乜，其实，成晚用餐就不停饮果汁，到最后就咖啡配甜品，食完晒嘢，冲杯柠茶嚟舒缓吓！此外，仲有好多唔同口味嘅茶包，用上川宁，算有诚意啦。
唔经唔觉，原来都食咗唔少嘢，朋友就话我唔算细食㖞，但我就话其实喺食少咗，以前最有食力嘅时候至少可以食多碗汤粉面㗎！总之，今晚都好开心，食到好嘢，又同啲好耐无见嘅朋友聚一聚。
张贴
