麵屋丸京

营业中

休息中

最近分別去左長沙灣>>觀塘覓食，喺openrice搵餐廳果陣都見到呢兩區有呢間拉麵店，而且評價唔差，所以對佢好有印象，估唔到佢喺荃灣都有分店，睇嚟唔試都唔得😆。星期六晚上6點鬆D嚟到，門口已經有人排隊，大概排左幾個字就入得。職員告知真叉燒拉麵已經售罄，不過丸京拉麵仍然有售😏。第一次嚟食，當然真、假叉燒都要試啦!! 😌所以叫左個丸京拉麵$100，另外好中意食蛋嘅我叫左個半熟卵拉麵$78。我地兩碗拉麵都要左濃湯，湯面浮起左好多肥膏粒，飲落杰身，有木耳嘅味。其實肉眼睇兩款叉燒分別唔大，但食落真係好大差別。假果款肉鞋D、柴D，真果款嫩好多!!😯 至於豚味就兩款都偏弱，我都係中意拉麵配肥少少嘅豚肉片多D🤓。拉麵無得揀軟硬度同粗幼度，所以食起上嚟唔係我中意嘅硬麵口感。總結，放滿哂豚叉燒嘅丸京拉麵賣相吸引，影相會幾有震撼感，但個人覺得味道普通，如果唔駛排好耐隊可以試下。小店好似只接受現金付款。