大頭蝦東南亞餐廳 (彩園廣場)

营业中

休息中

星期日難得放假當然係訓到自然醒啦！呢日去上水探朋友，早咗少少到又未食嘢，就喺附近屋邨商場諗住睇吓有咩好食！發現呢間餐廳星期六日都有下午茶餐免加一，五十蚊內已經有好多選擇！由於太餓嘅關係，叫咗個香茅雞扒飯！賣相有驚喜，絕對對得住個價錢！雞扒咬落層皮脆脆地，啲肉亦都唔會乾，另外白飯份量十足，撈埋薑蓉更加好味！側邊仲有少少配菜，酸酸地幾開胃！下午茶餐仲包埋嘢飲添！抵呀！