影片
更多
2019-08-18
452 浏览
由佢開張食到依家，中途都有試下其他雞煲，但最後覺得性價高最高都係壹火鍋💋。-價錢同其他雞煲火鍋放題差不多，我六點半後入座就$179，可以揀淨打邊爐或者食埋雞煲🍲，如果想食埋刺身就＄209，不過以兩個鐘頭就黎講食雞煲再加打邊爐已經好足夠，因為佢打邊爐啲料都唔差🥰。-湯底有十四款你揀，比較特別既湯底有咸酸菜烤魚湯、芝士滑雞湯、骨膠豚骨、椰子雞同泡菜湯；雞煲既話都有八種口味，除左經典既重慶辣雞之外，仲有蜂蜜辣雞、芝士辣雞、大蝦辣雞、花膠辣雞呢啲特色味道🤓，不過我就梗係揀返原味最穩陣😎！-今次仲有個計時器比埋你，唔使成日掀開個蓋睇下啲雞件熟未🤪，等八分鐘左右就食得啦！雖然係雞煲打邊爐放題，但都唔欺場架，啲花椒八角胡椒味好重，即使BB辣都好惹味🥳！最中意佢啲雞件啖啖肉，唔似其他雞煲鋪咁件件都係雞骨🤭，肉質又夠嫩滑，仲要入哂味，勁正💯！-食完雞煲就梗係落湯打邊爐啦，雖然都係啲大路野，但勝在夠新鮮🌊！必嗌既有：1. 雪花肥牛：牛味勁濃，唔會成片都係肥膏✨2. 牛脷片：爽口彈牙無腥味🐂3. 是日海鮮（多數都係蜆）：蜆肉大大粒，無沙，真心食到鮮甜味🌸4. 海蝦：睇相都知有幾大隻，仲要係爽口彈牙，嗌左幾碟
-
價錢同其他雞煲火鍋放題差不多，我六點半後入座就$179，可以揀淨打邊爐或者食埋雞煲🍲，如果想食埋刺身就＄209，不過以兩個鐘頭就黎講食雞煲再加打邊爐已經好足夠，因為佢打邊爐啲料都唔差🥰。
-
湯底有十四款你揀，比較特別既湯底有咸酸菜烤魚湯、芝士滑雞湯、骨膠豚骨、椰子雞同泡菜湯；雞煲既話都有八種口味，除左經典既重慶辣雞之外，仲有蜂蜜辣雞、芝士辣雞、大蝦辣雞、花膠辣雞呢啲特色味道🤓，不過我就梗係揀返原味最穩陣😎！
-
今次仲有個計時器比埋你，唔使成日掀開個蓋睇下啲雞件熟未🤪，等八分鐘左右就食得啦！雖然係雞煲打邊爐放題，但都唔欺場架，啲花椒八角胡椒味好重，即使BB辣都好惹味🥳！最中意佢啲雞件啖啖肉，唔似其他雞煲鋪咁件件都係雞骨🤭，肉質又夠嫩滑，仲要入哂味，勁正💯！
-
食完雞煲就梗係落湯打邊爐啦，雖然都係啲大路野，但勝在夠新鮮🌊！
必嗌既有：
1. 雪花肥牛：牛味勁濃，唔會成片都係肥膏✨
2. 牛脷片：爽口彈牙無腥味🐂
3. 是日海鮮（多數都係蜆）：蜆肉大大粒，無沙，真心食到鮮甜味🌸
4. 海蝦：睇相都知有幾大隻，仲要係爽口彈牙，嗌左幾碟都食唔到霉蝦🦐
5. 鵝腸：唔常見既任叫食材，雖然肥膏比較多，但勝在夠厚實😋，有嚼勁
6. 脆鯇骨腩：魚味濃，口感爽脆，啖啖肉
7. 豬潤：厚得黎又夠爽口，有口感😇
8. 牛丸：夠彈牙，牛味重，同其他放題邊爐食既牛丸唔同😚
9. 滑豆腐：好好好好好好好食🤣！豆味好重，口感嫩滑，勁入味，我自己食左三碟🥰🥰🥰🥰。
10. 娃娃菜：好清甜，Encore得最多係佢🤪
-
食得放題，又點少得野飲😏。
野飲就一定無日式放題個啲咁多款式，但除左可樂雪碧，仲有解茶、菊花蜜、雪梨海底椰、冬瓜茶、竹蔗茅根、啤酒、忌廉溝鮮奶呢啲，仲有常溫版同暖版比你
攞，好貼心🥰。雪糕相對上就比較少，得雀巢雪糕、糯米糍，紫米味同榴蓮味既雪條。不過以呢個價錢食到唔差既雞煲火鍋放題，啲配料仲要咁新鮮，真係好超值👏🏻！
-
服務方面都做得唔錯，基本上舉親手都即刻有侍應過黎🙋♀，同埋收碟都收得好密；上菜又快，點完等一陣就上齊，唔會漏單🧞♂。
不過有一個兆萬通病就係餐廳太細，但佢又唔想做到啲枱咁迷你，
所以走廊位好逼，幾乎每次行出去攞野都要大家互相讓下咁，有啲唔方便🥶。
张贴
