緣味小聚 (LADDER Dundas) (已結業)

呢個放題除了有大閘蟹，仲有生蠔、鮑魚，蟶子，海蝦和貝類海鮮。仲有火鍋，火鍋料一堆堆，肉，丸，菜，餃。當然亦不只大閘蟹海鮮和火鍋咁簡單。連點心，小食，啤酒飲品都有。新鮮海鮮清蒸，原汁原味夠新鮮極好味，鮮甜味道一流。大閘蟹爆滿蟹膏，咸香濃幼又鮮甜，用黎撈飯都一流。生蠔又肥又大隻，好味到震。酸辣脆蘿蔔酸酸辣辣非常開胃，中間隔住黎食，等佢消化下，繼續戰鬥落去。川味口水雞個口水汁又香又辣超惹味，雞皮爽滑雞肉鮮嫩脆配埋惹味口水汁一齊食滋味得不得了，好好味！安格斯靚肥牛用黎打邊爐果然係最好味，時間要控制住，咁就有片靚牛肉食啦！😂