旺角88

成日以為朗豪坊後面都只係五金鋪，點知後面都有一間好食嘅車仔麵。我叫咗一個三餸河粉，分別有豬扒生菜蝦餅，加埋都只係$38。豬扒炸得好好又香口，蝦餅大大份又好食。湯底有咖喱味，沙嗲味和豬骨湯味。我就叫咗豬骨湯，湯底唔會好濃亦唔會好鹹，但都有陣陣豬骨味。飲完唔會好口渴，幾啱做湯底。

除此之外，我都叫咗一個燒茄子（$28）。由於係即整，串燒熱辣辣加埋好香口嘅炸蒜，成條串燒都非常惹味。

不過餐廳夜晚七點先會開工，所以大家嚟食嗰陣要留意。

車仔麵

串燒茄子