吉壽日本料理 (已結業)

基本上，到旺角用餐都離不開放題、火鍋🍲、雞煲😂因為抵食又多選擇👍🏻👍🏻加上同朋友一齊食又可以坐耐啲傾下計🥰又可以食到多啲唔同款式嘅食物.如果食放題，我首選吉壽👍🏻除左因爲好近地鐵站同方便亦都因為佢嘅食物質素高✨😆個人更欣賞佢地員工嘅服務態度💓即使再忙再旺個場有幾爆都絕唔會黑面，仲會同你搞下笑😂呢個係絕對值得加分💓.講番食物🤤放題嘅主角一定係刺身🤤呢度嘅刺身選料優質👍🏻帶子鮮甜又大粒，唔會好似坊間咁將一粒帶子開半係原粒上架👍🏻魚類刺身如三文魚、劍魚都優質特別係三文魚嘅魚油味好香👍🏻另外，甜蝦同泰國🇹🇭生蝦刺身都係必食鮮甜之餘，肉質鮮美🤤唔會爛溶溶或者霉❌.其次，係佢嘅海膽手卷都唔錯😆係我會食嘅味，唔會好腥不過今次海膽份量比平時少左🙈所以每人食一兩舊就冇再叫了唔想食咁多飯咁飽肚🙈.最後要讚嘅係佢嘅熟食都唔錯👍🏻今日試左個雞，好嫩滑而且好入味💓正仲有必食嘅泰式鳳爪個泰汁好夠味，有魚露、青檸汁、芫荽等味道有層次👍🏻啲鳳爪質感亦係爽脆又夠凍🤤.總體黎講，呢度都坐得幾舒服，枱與枱之間唔算太密集，加上熟食絕不馬虎，飲品選擇亦多元化💓好欣賞，食極都唔厭😆😆