旺角冰室 (已結業)

雖然宜家只係5月，但感覺就好似7、8月咁熱，喺街行到身水身汗，一入餐廳，冷氣開得太凍，涼咗一陣都忍唔住要著返件外套，費時冷親。焗白汁芝士雞扒飯中規中矩，食落芝士味比較弱，但都係好味嘅👍 碟底嘅飯帶有微微飯焦味，但食落又唔會硬到攝晒落牙罅🤣 順帶一提，餐廳嘅上菜速度快，值得一讚👍綠茶紅豆冰超級好飲！我唔係紅豆／綠茶控，但兩種味道夾埋真係唔錯，甜度適中，紅豆嘅口感都好軟腍。平時喺其他連鎖快餐店飲紅豆冰，我永遠都會飲淨勁多，但呢杯我都飲咗一大半，因為趕時間先飲唔晒😋肉眼扒鐵板餐朋友話好耐無食過鐵板，所以揀咗肉眼扒食薯菜😝要洋蔥汁嘢飲諗住健康啲飲凍杏霜🤣係咪自欺欺人🤣肉眼扒有成2cm咁厚😍切眼仲有肉汁流出嚟，我試食咗啖都覺得好正，真係好滿足呀！