明閣 (香港康得思酒店)

倆口子好耐無飲茶啦~ 唔想浪費珍貴既假期(星期六)排隊，星期五收工前打電話訂檯。當時個位小姐同我講話暫時無檯不過會擺我係reserve list，心諗，唔係嘛，有無咁旺呀! 星期六預早少少去到，我怕真係無位... 去到帶位小姐叫我坐低等等，唔洗5分鐘就有位，good~ 入到去發覺有好多張吉檯，有話好爆...入到去我都未坐低(waiter哥哥仲set緊位)，個部長哥哥已經問我飲乜茶... 洗唔洗咁趕呀？因為K先生未黎，我就呆坐望街，期間waiter哥哥起碼斟左5次茶比我，基本上我每飲一次茶，一放低個杯就有人過黎斟茶...K先生黎到我地馬上點菜，點左6款點心：1) 小籠包- 好好好好好味! 一談咬落去即標湯汁(好醜呀...) 但真係超級推介!!! 2) 帶子腸粉- 另一頂級推介，腸粉好滑，帶子線甜，正!3) 蒸蘿白糕- 有係好好味，超多金華火腿，蘿白好甜；加埋佢地既XO醬一齊食，正!4) 珍珠雞- 呢個就普通D啦，無乜特別。5) 灌湯餃- 我無食，不過K先生話好掂!6) 馬拉糕- 好香，好味! 不過細分左少少囉，唔夠候~呢度既環境係旺角黎講真係唔錯~ 不過佢地既服務就真係好得製囉! 不停咁