大將 (已結業)

今日去咗旺角嘅大將，店內有好多樂天熊仔餅嘅元素，仲有一個樂天熊仔餅打卡位喺門口，真係好吸引！而我地叫左 $468日本和牛放題。首先和牛嘅質感真係一流，入口即溶。除咗和牛，佢哋仲提供咗多款其他牛肉選擇，每種都有自己獨特嘅風味。另外呢度嘅海鮮選擇都好多，特別一題廣島蠔同帶子，新鮮程度同味道都非常出色，令人食咗仲想再食。更加唔少得提蝦滑同杭州黑魚片，全部都新鮮同口感好。餐廳嘅餐前小食同飲品選擇都好豐富，有日式拌菜同炸物，飲品方面有鴻福堂枝裝飲料，熱飲包括咖啡、牛奶同朱古力，甚至仲有汽水機。打完邊爐之後，甜品區仲有窩夫可以自己DIY，可以加入喜愛嘅樂天熊仔餅，有得玩又有得食！總結嚟講，大將無論係食物質素、環境氣氛定係服務質量，都係唔錯，絕對值得一試。