影片
更多
2022-06-06
21 浏览
假日嚟到呢間旺角樓上Cafe，環境好舒適好好坐，啱晒同一班朋友嚟打卡，食物嘅擺盤好靚好有創意，嘢飲用花樽同假花裝飾，真係好特別！🍴芝士白酒煮藍青口 $88 (7/10)冇諗過佢用沙煲上青口，好有創意！青口嘅份量好多有成10幾隻，青口煮得啱啱好，唔會過老，落咗好多芝士，偏鹹香，食到濃濃海水味！🍴西班牙海鮮飯 $178 (7.5/10)份量好足，有好多海鮮，有青口，蜆肉，蝦仁，帶子，魚肉，用咗意大利嘅米，比較偏硬，唔會太淋，好有口感，都唔會太乾，濕度啱啱好，茄汁嘅味道好香濃，見到都用咗好多蕃茄仔，味道係偏鹹香嘅，唔錯的，口感好豐富。🍴慢煮甜酒燴和牛面頰 $188 (8/10)有三大舊，牛面頰煮得好軟淋，食到有牛嘅跟腱位，滿滿骨膠原，一啲都唔會黐牙，肉汁鹹鹹香香，薯蓉打得好細滑，有薯仔味，撈埋肉汁食幾好食！🍴蜜桃熱情果梳打 $48 (8/10)飲到有蜜桃嘅香味，熱情果味唔算好出，好欣賞佢用針筒裝住啲糖水，可以比客人自己調校，整體來講唔會太甜，都好清新。🍴熱情果接骨木花茶 $56 (8/10)用花樽同埋假花擺盤真係好有創意，啱晒打卡啊！好香濃嘅熱情果味，接骨木骨茶有少少澀，茶味唔係好濃，整體來
🍴芝士白酒煮藍青口 $88 (7/10)
冇諗過佢用沙煲上青口，好有創意！青口嘅份量好多有成10幾隻，青口煮得啱啱好，唔會過老，落咗好多芝士，偏鹹香，食到濃濃海水味！
🍴西班牙海鮮飯 $178 (7.5/10)
份量好足，有好多海鮮，有青口，蜆肉，蝦仁，帶子，魚肉，用咗意大利嘅米，比較偏硬，唔會太淋，好有口感，都唔會太乾，濕度啱啱好，茄汁嘅味道好香濃，見到都用咗好多蕃茄仔，味道係偏鹹香嘅，唔錯的，口感好豐富。
🍴慢煮甜酒燴和牛面頰 $188 (8/10)
有三大舊，牛面頰煮得好軟淋，食到有牛嘅跟腱位，滿滿骨膠原，一啲都唔會黐牙，肉汁鹹鹹香香，薯蓉打得好細滑，有薯仔味，撈埋肉汁食幾好食！
🍴蜜桃熱情果梳打 $48 (8/10)
飲到有蜜桃嘅香味，熱情果味唔算好出，好欣賞佢用針筒裝住啲糖水，可以比客人自己調校，整體來講唔會太甜，都好清新。
🍴熱情果接骨木花茶 $56 (8/10)
用花樽同埋假花擺盤真係好有創意，啱晒打卡啊！好香濃嘅熱情果味，接骨木骨茶有少少澀，茶味唔係好濃，整體來講唔會好甜，都幾清新幾好飲。
推薦指數: 7.5/10
環境都幾好，坐得舒服，欣賞小店有紙巾提供，非常貼心。店員服務都好好，好食青口嘅時候會主動俾碟裝個青口嘅殻，任坐唔到啱晒同朋友一齊嚟傾偈呀！
张贴
