更多
2021-07-15
1066 浏览
周末去咗旺角买嘢，行到攰想拣间餐厅食个晚餐！ 今次就拣咗个楼上cafe，佢有8折优惠，价钱合理之如，好评都几多🙊 呢间「吃吧」位于侨建大厦，唔算难揾，同层就有另一间人气猫cafe！👀入面装修偏向工业风，一入去就会见到巨型Chiba 嘅logo，座位与座位之间相隔一段距离，宽敞舒适！餐厅尽头就系一排落地玻璃，有一定嘅采光度，个景就对住弥敦道啲大厦🏬呢度嘅价钱都几相宜，款式算多而且有啲菜式都几特别😆 仲有生酮餐单，照顾到唔同客人嘅需要！👏🏻 另外呢度有唔少特色手工啤酒拣，可以同朋友过嚟畅饮🍻❤️ 吃吧招牌拼盘 $138我见隔离枱叫咗呢个，即刻问下侍应系咩嚟！细问之下原来呢个系佢哋招牌菜嚟，拼盘用木盒装住，一打开会出哂烟咁，烟熏味扑鼻 😶🌫️ 打卡一流呀😚木盒一盒有六格，分别有：烟三文鱼珍珠洋葱迷你酥盒、米通虾芒果莎莎、松露毛豆、松露芝士&烟熏芝士、火腿蜜瓜、黑鱼籽溏心蛋！迷你酥盒做得唔错，酥皮酥化有牛油香；米通虾芒果莎莎个米通好薄脆，虾肉爽口弹牙配埋芒果莎莎好清新🌱 火腿蜜瓜香甜解腻！ 黑鱼籽溏心蛋充满咸鲜😋 另外有两款芝士系配梳打饼，芝士分量都唔少，两款芝士都好浓味，相较之下我钟意食松露
今次就拣咗个楼上cafe，佢有8折优惠，价钱合理之如，好评都几多🙊 呢间「吃吧」位于侨建大厦，唔算难揾，同层就有另一间人气猫cafe！👀
入面装修偏向工业风，一入去就会见到巨型Chiba 嘅logo，座位与座位之间相隔一段距离，宽敞舒适！餐厅尽头就系一排落地玻璃，有一定嘅采光度，个景就对住弥敦道啲大厦🏬
呢度嘅价钱都几相宜，款式算多而且有啲菜式都几特别😆 仲有生酮餐单，照顾到唔同客人嘅需要！👏🏻
另外呢度有唔少特色手工啤酒拣，可以同朋友过嚟畅饮🍻❤️ 吃吧招牌拼盘 $138
我见隔离枱叫咗呢个，即刻问下侍应系咩嚟！细问之下原来呢个系佢哋招牌菜嚟，拼盘用木盒装住，一打开会出哂烟咁，烟熏味扑鼻 😶🌫️ 打卡一流呀😚木盒一盒有六格，分别有：烟三文鱼珍珠洋葱迷你酥盒、米通虾芒果莎莎、松露毛豆、松露芝士&烟熏芝士、火腿蜜瓜、黑鱼籽溏心蛋！
迷你酥盒做得唔错，酥皮酥化有牛油香；米通虾芒果莎莎个米通好薄脆，虾肉爽口弹牙配埋芒果莎莎好清新🌱 火腿蜜瓜香甜解腻！
黑鱼籽溏心蛋充满咸鲜😋
另外有两款芝士系配梳打饼，芝士分量都唔少，两款芝士都好浓味，相较之下我钟意食松露芝士，一食就食唔停😏呢个拼盘真系非常丰富，价钱亦好亲民👏🏻
❤️ 慢煮甜酒烩和牛面颊 $188
另一道必叫嘅招牌菜😛 Size比平时喺一般cafe食嘅大嚿😎 一切落去系超柔软，不费吹灰之力就切到，食落去软腍入味😻 脂肪比例少，牛味好重🐂 伴碟薯蓉相当幼滑👌🏻❤️ 温泉蛋烟肉芝士阔条面 $108
侍应会拎住一盘热溶芝士，喺你面前将芝士淋上carbonara🧀 呢个carbonara偏向creamy，香草味突出！❤️ 热情果接骨木花茶 $56 & 水蜜桃荔枝茶 $56
居然系用花樽做杯，玩味十足！以假花做装饰，真系谂都无谂过咁特别😂 造型富美感，好适合打卡📸 我斋影呢两樽花都影咗几分钟🙊呢两款冰果茶甜度适中，茶味唔会太浓，好清香唔苦涩，两款比较之下水蜜桃荔枝茶更啱我口味！😜
餐厅推荐度：⭐️⭐️⭐️⭐️ (4/5)
以前食过唔少楼上cafe都偏伏，今次完全系高质嘅楼上cafe😲 一啲都唔伏，仲要价钱合理，环境唔错！如果要喺旺角同朋友觅食坐低倾计聚旧，呢间系一个唔错嘅选择😎
张贴
