村上居酒屋 (已結業)

朋友話有個新嘅濾水器唔要，話送俾我喎！咁當然要親身去攞啦！😆今晚我去咗朋友旺角間公司度攞，旺角返工真係好，交通方便，又多食店！攞完野我哋就一齊去咗食飯，朋友帶咗我去一間叫村上居酒屋的日本菜度食。首先叫咗個海膽炒飯$108，個飯幾香，D蛋好滑，如果海膽可以再多啲就更加好啦！跟住就叫咗一堆小食，燒青椒仔$28、牛油燒薯仔$38、燒日本豆腐$28、手羽先$25、豚肉蘆筍卷$28、清酒煮蜆$78，最後就梗係要來一個炸軟殼蟹$58啦，呢個真係成隻蟹上架😆😋呢度嘅燒物都好唔錯，又多款式，吾覺意叫左好多，服務員都好Nice！