餐廳裝修走中國風，以木及黑色為主調顏色，部分座位設了壁廉，提高私隱度，可以同朋友暢所欲言。
店員都好有禮貌，一坐低，就主動介紹特色小食同半價海鮮🦞 而且餐廳用ipad落單，每樣食物都有提供圖片，可以慢慢睇慢慢簡
🔸招牌夫妻鍋 $188
夫妻鍋即係有半個麻辣鍋+酸菜白肉。麻辣鍋可選辣度(大/中/小)，我地簡左中辣。麻辣鍋裡面有好多鴨血同豆腐，都係分別慢煮左24小時同48小時。
台式麻辣火鍋同四川火鍋不同，四川火鍋重視的是辣度，而台式火鍋重鮮味，慢火熬製，主打湯底係可以飲，不是味精❗️❗️
🔸帆立貝 $48 （6隻）
留意返餐廳做緊半價優惠，只要讚好ig/fb，可以係龍蝦/鮑魚/帆立貝中簡一樣享受半價優惠🤩🤩
🔸手切牛小排(小) $238
份量好多，細的3個人食都夠～ 牛小排雪花紋好靚，入口即融，牛味十足😋😋
🔸黃金魚皮 $78
必食黃金炸魚皮❗️非常推介❗️餐廳即叫即炸，用左咸蛋黃醬炸，炸到金黃脆卜卜，勁香勁邪惡😋😋
🔸豚肉花 $118
賣相好靚，餐廳將豚肉堆疊成玫瑰花形狀🌹，店員說將成朵花放落湯底就可以，它會自己化開。豚肉食落同豬頸肉差不多，肉質爽口彈牙✨
🔸老油條 $48
將老油條放係湯底中間碌3秒，就可以攞起食。碌完麻辣湯之後的老油條吸收曬湯底精華，好香辣，即使碌完都仲好香脆！
🔸梅菜豬肉丸(半份) $49
🔸鮮製魚皮餃(半份) $39
🔸娃娃菜 $48
✨醬料費每人$20
✨新張期內7點半前離座可有6折火鍋配料優惠
餐廳價錢稍貴，不過一分錢一分貨，坐得舒服，店員積極主動又有禮貌，全程都會主動幫你refill湯底收碟，食物有特色質素不俗，值得一試❤️
