燒肉駅 一人燒肉·丼飯

营业中

休息中

朋友又有好介紹 今次係喺旺角嘅一人燒肉店呀🥰 一人燒肉店開到成行成市 不過呢間有平靚正嘅和牛餐食呀 牛小排 和牛腹肉 和牛舌呢一個套餐共220g 有晒三款美味嘅牛肉 和牛腹肉油脂較為豐富 燒完之後非常香口美味😋 和牛舌都非常厚身 燒完外脆內軟嘅感覺好正 而牛小排係呢個餐嚟講肉質較瘦 牛味香濃 都係非常推介嘅肉類牛五花 豚五花呢個有三個size可供選擇 我哋揀咗一個份量較為多嘅300g🐷 牛五花同豚五花都係肥瘦分明 當中每一片都有一定厚度 唔會容易燒過火 而且火爐有8個唔同嘅熱度 等我哋可以輕鬆掌握燒肉嘅火候😝 呢度嘅燒肉有幾款醬汁揀 有燒汁 蒜蓉燒肉汁 蒜蓉牛油汁 海鹽 黑椒等等嘅調味料🧂 我覺得淨係用海鹽已經好能帶出牛肉嘅鮮味🙈套餐每款燒肉都會配上白飯 泡菜 蘿蔔漬同埋味噌湯🍲 呢度嘅白飯用上日本珍珠米 粒粒分明之餘仲幾有口感 另外仲可以升級要和牛肉燥飯㗎 我地其中一碗嗌咗份和牛肉燥溫泉蛋丼🍳 份量都幾充足 和牛肉燥經過特製之後 依然油脂感豐富 配埋溫泉蛋真係送飯一流飲品食燒肉點少得飲返罐汽水gur下😊 我哋嗌咗白色嘅零系可口可樂 同埋比較少見嘅黃色檸檬味可口可樂呀🥤 檸檬味可樂飲都