因為我哋都想食啲唔同嘢，又唔想太formal，燒烤就啱晒！
一入去環境幾chill，坐位都坐得舒服！
我哋叫咗一大堆嘢，最驚喜係鹽燒三黃雞腿肉，皮脆肉嫩，
1
鹽味啱啱好，唔會太鹹。明太子雞腿肉都好正，明太子香濃又唔膩，
配埋雞肉真係夾到爆。雞皮、雞軟骨、雞中翼都係燒得啱啱好，冇燶，食落口感一流。
1
豚肉卷系列都好有創意，牛油果豚肉卷滑滑地，海苔黑豚肉鵪鶉蛋就好有層次感，
鹽燒豚肉荔枝卷甜甜地，幾特別。孜然豚肉韭菜花卷就香口惹味，好適合鍾意重口味嘅人。
牛油蜜糖粟米真係好邪惡，甜甜地又有牛油香；鹽燒芥蘭頭同孜然燒西蘭花苗都好fresh，唔會太油膩。
蒜蓉菜圃燒豆皮（小辣）就辣得啱啱好，豆皮吸晒汁，好惹味。呢個可以再encore !!
飲品方面我覺得椰青同埋梳打水加檸檬冰底，都唔錯，配埋串燒夠晒清新解膩！
總括嚟講，燒烤堂啲串燒款式多，味道有驚喜，價錢合理，啱晒同朋友聚餐傾偈。下次會再嚟睇下到時有冇新發現！😁😁
