大瀛喜日本料理

閒逛旺角，響地鐵站E出口朗豪坊附近開始肚餓，同朋友都超級肚餓的情況時，梗系去搵放題食啦，一出地鐵見到依間放題店，於是就上左五樓依間大瀛喜。

一入到去就即刻一齊掃QR code，跟住就同友人同步點菜。我地點左帶子 刺身 希靈魚螺片吞拿魚刺身。。。之後就一大盤連埋乾冰咁送黎，又鮮甜又大件，超抵食，我就超鍾意燒菠蘿同埋凍蝦，因為又甜又多汁，愈食愈開胃，，仲有最正啲花膠烏雞湯，養顏又補身； 如果話要推介的話，我一定推介蘆荀燒汁炒帆立貝，依D平時屋企整唔到丫麻，就梗系出黎放題食過夠佢啦！

現場仲有任飲凍梅酒、清酒，唔飲酒啲就有橙汁或者雞湯選，今次無飲到醉就走了，下次有假期一定要同友人盡興不醉無歸！