餐廳主打港式鑊氣小炒，晚上仲有live music，氣氛非常chill，可以輕輕鬆鬆咁同朋友傾偈、食飯🥢、聽歌🎙️！
🔸砂煲薑蔥鮮鮑魚🔸
大大隻啖啖肉嘅鮑魚，夠晒新鮮彈牙，用非常惹味嘅薑蔥於砂鍋內爆炒，薑蔥嘅味道入晒落鮑魚入面！
🔸八味脆豆腐🔸
豆腐外層炸得非常香脆，咬入口熱辣辣，豆腐滑捋捋，食停唔到口！
🔸椒鹽鮮魷🦑🔸
鮮魷非常厚肉，外層炸漿超薄超香脆，再加咗啲炸香蒜，非常夠鑊氣！
🔸XO醬馬拉盞芥蘭煲🔸
XO醬辣辣地好惹味，加埋馬拉盞嘅咸克味道，用上芥蘭苗每條都咁嫩口，夠晒惹味！
🔸潮州滷三味（墨魚/生腸/鵝腎)🔸
除咗鑊氣小炒，呢度仲有潮州滷水嘢食，拼盤三款都係我最鍾意食嘅滷水小食，滷得非常入味！
🔸陳皮鴨屎香檸檬茶🍋🔸
呢度仲有出名，即叫即做嘅手打檸檬茶，香水檸檬茶味道清甜，仲有一陣陣嘅陳皮甘香味道，唔單止解渴，非常配合鑊氣小炒！
🔸青味•出抹🍋🔸
另一款就係加咗綠茶味嘅手打口水檸檬茶，口味一樣咁清新，多咗一份綠茶嘅回甘味道！
2
