影片
更多
2021-10-05
264 浏览
今日喺旺角朋友想食打冷，帶我去咗呢間上樓舖頭食飯，樓下商場裝修緊，睇落有啲殘，上到去又估唔到餐廳樓底好高，裝修都幾光猛。坐低見到有好多套餐，嗌咗個豉汁蒸大白鱔及鵝肉孖寶。個鵝肉上台非常之大碟，不是淨鵝片，是連骨上枱，個滷水汁有少少藥材味，幾有層次，唔算太鹹，鵝肉幾實淨，底仲有啲花生及豆腐。呢度叫滿$300仲會送一碟滷味拼盤，拼盤食材豐富，裏面有墨魚片，豬耳，豬腩，鵝腸及紅腸，每種配料味道分明，絕對唔係撈埋一齊煮。最好食係墨魚片同埋鵝腸，彈牙又唔會太肥豉汁蒸大鱔味道一流，鱔肉幾新鮮彈牙，個豆豉蒜蓉汁送飯一流。之後叫咗個蠔仔粥，個粥底算正常，感覺上方魚味好似少咗啲，不過蠔仔份量都夠。買單食咗五百幾，都幾抵食，份量又大碟（打包左D滷味），同埋呢度仲有啤酒及生啤，同潮州打冷幾夾，中間係圓枱，所以都有啲大排檔風味，牆上面有電視，有波睇，氣氛熱鬧。
坐低見到有好多套餐，嗌咗個豉汁蒸大白鱔及鵝肉孖寶。
個鵝肉上台非常之大碟，不是淨鵝片，是連骨上枱，個滷水汁有少少藥材味，幾有層次，唔算太鹹，鵝肉幾實淨，底仲有啲花生及豆腐。
呢度叫滿$300仲會送一碟滷味拼盤，拼盤食材豐富，裏面有墨魚片，豬耳，豬腩，鵝腸及紅腸，每種配料味道分明，絕對唔係撈埋一齊煮。最好食係墨魚片同埋鵝腸，彈牙又唔會太肥
豉汁蒸大鱔味道一流，鱔肉幾新鮮彈牙，個豆豉蒜蓉汁送飯一流。
之後叫咗個蠔仔粥，個粥底算正常，感覺上方魚味好似少咗啲，不過蠔仔份量都夠。
買單食咗五百幾，都幾抵食，份量又大碟（打包左D滷味），同埋呢度仲有啤酒及生啤，同潮州打冷幾夾，中間係圓枱，所以都有啲大排檔風味，牆上面有電視，有波睇，氣氛熱鬧。
张贴
