影片
更多
2023-06-17
147 浏览
長假期在旺角行街，隨意亂逛發現原來Ruby Tuesday地鐵站附近有分店，地理位置相當方便。餐廳環境舒適輕鬆，適合約朋友一齊聚會/收工約食飯，正好朋友是會員。餐廳有幾款熱門推介，包括有經典燒排骨、特級肉眼扒同埋濃情朱古力等，做咗會員仲可以半價享用佢哋嘅經典燒排骨同埋特級肉眼扒呢兩個西餐經典菜式添。<經典燒排骨> $348 (會員價:$174)燒排骨喺餐廳嘅signature，本身都知佢嘅排骨好大份，所以今次叫咗半份，選擇了蜜糖燒烤汁。排骨表面佈滿醬汁，香甜微辣，幾刺激味蕾，排骨燉得軟爛，容易分離，方便進食。<手撕豬墨西哥烤薄餅> $318 (會員價:$159)烤薄餅看似不算厚身，但內餡手撕豬肉分量實在。手撕豬肉再加上略帶辣度嘅燒烤醬好惹味，還可以點酸忌廉或者莎莎醬嚟食。<脆雞芝士通心粉> $238 (會員價:$119)通心粉充滿芝士醬，用匙羹撈起身仲有拉絲效果～炸脆雞雖然用咗雞胸，但淋上咗意大利番茄醬，一啲都唔覺得嚡，個人認為小朋友一定喜歡這個菜式。<煙肉牛油果烤雞漢堡> $248 (會員價:$124)漢堡入面嘅配料有煙
餐廳有幾款熱門推介，包括有經典燒排骨、特級肉眼扒同埋濃情朱古力等，做咗會員仲可以半價享用佢哋嘅經典燒排骨同埋特級肉眼扒呢兩個西餐經典菜式添。
<經典燒排骨> $348 (會員價:$174)
燒排骨喺餐廳嘅signature，本身都知佢嘅排骨好大份，所以今次叫咗半份，選擇了蜜糖燒烤汁。排骨表面佈滿醬汁，香甜微辣，幾刺激味蕾，排骨燉得軟爛，容易分離，方便進食。
<手撕豬墨西哥烤薄餅> $318 (會員價:$159)
烤薄餅看似不算厚身，但內餡手撕豬肉分量實在。手撕豬肉再加上略帶辣度嘅燒烤醬好惹味，還可以點酸忌廉或者莎莎醬嚟食。
<脆雞芝士通心粉> $238 (會員價:$119)
通心粉充滿芝士醬，用匙羹撈起身仲有拉絲效果～炸脆雞雖然用咗雞胸，但淋上咗意大利番茄醬，一啲都唔覺得嚡，個人認為小朋友一定喜歡這個菜式。
<煙肉牛油果烤雞漢堡> $248 (會員價:$124)
漢堡入面嘅配料有煙肉、烤雞胸、牛油果、車打芝士、紫洋蔥、生菜和蕃茄。蔬菜同肉比例恰當，只是雞胸肉略嫌有點嚡。除咗漢堡旁邊亦附上新鮮炸好的粗薯條配番茄醬，熱辣辣食好香口。
<燒烤汁雞肉焗玉米片> $178 (會員價:$89)
玉米片分量超多，配料豐富，包括燒烤汁風味嘅雞肉、芝士、墨西哥辣椒、蕃茄碎，配搭嘅醬汁有莎莎醬、酸忌廉&牛油果醬。玉米片入口香脆，味道酸辣開胃，幾適合作餐前小食。
餐廳嘅菜式分量頗大，最重要嘅喺做咗佢哋嘅會員可以享有半價優惠。另外旺角店做緊優惠，平日夜晚5pm - 10pm 可以1個鐘頭任飲5種嘅酒精飲品，價錢最低只需$88，等下次約埋朋友再嚟啦。
张贴
