羅麥記 (青衣城1) (已結業)

今日叫咗两份牛扒早餐，有两只鸡蛋、大块牛扒，加一个餐包，配埋杯香浓奶茶。块牛扒色泽均匀，睇得出厨司落足心机煎，不是求求期期，唔会因为收得咁平而交行货，超好味！入口甘香，未食过咁好味嘅茶餐厅早餐。奶茶都系饮过最好饮嘅奶茶，好香茶味，非常之滑，入口回甘，令人回味无穷，一试难忘，必饮之选。鸡蛋煎得唔油，好干身，最怕啲蛋煎到油淋淋，呢间唔会咁，非常好。个餐包好松软，非常新鲜，唔会干争争，我钟意食。总括来讲，高水准早餐。