福晉薈 (裝修中)

新蒲崗嗰邊有好多酒樓，變相每間都要推出一啲優惠嚟吸引食客。呢一間酒樓好特別，見到夜晚會有搞迷你演唱會，不過主要都係中年人士嗰啲啦。不過呢間酒樓開咗冇幾耐，裝修好新淨，環境乾淨企理，服務亦都唔錯，係新蒲崗舊區難得的粵式餐廳。如果飲茶嘅話，建議早上嚟，星期六11點前有得別優惠嘅孖寶，都只係三十零蚊兩款，份量仲要好足，仲會額外有特價點心。最愛點菜苗餃、蝦餃、腸粉、鮮竹卷。點心的調味恰好，大大份，皮薄餡靚，食完唔會頸渴。