OPPA韓國燒肉店 (已結業)

朋友一向鍾意韓燒，得悉大埔呢間Oppa有個早割放題$188一位，七半離座，咁抵一於黎試下先。枱上已放好嘅前菜同生菜，好重要㗎，因為肉食得多會漏，加埋呢啲一齊食就好好多，可以無限添食的。醬料有燒肉醬，韓式辣醬，海鹽同生蒜。起爐～哈哈～有泡菜蛋，牛油粟米同芝士燒，正呀！仲係無限添的，呢三樣都好鍾意食㗎！每兩位送熱食一款，揀左真露煮蜆，啲蜆又幾肥喎。五花腩，燒起好甘香，正！豬頸肉夠肥又爽口。美國牛小排都幾有牛味㗎，牛油好香，燒一燒食得。無骨牛肋肉，啖啖肉有咬口，好味。食肉獸大愛豬腩肉～點埋芝士正到暈！做生菜包又係好好味。可以任食嘅項目，雖然得四款肉，但個人覺得夠哂啦，四款都正encore幾個round。原來除左早割，夜割都係咁錢，二百蚊鬆啲一位抵啦。