漁場台風

营业中

休息中

食埋呢间渔场台风，我终于食齐晒台风三间分店😍点解要食佢唔同既分店？因为佢每间分店既menu都唔同！而佢地每一间都系一样咁人气咁好味。今次食旺角既渔场台风，最特别既系佢晏就同夜晚系卖唔同嘢既。晏就系食沾面，而夜晚就系食拉面既。今日晏就黎到，食佢地既沾面，都排左队大概十几分钟，不过好好既系排紧队既时候就店员已经比定纸你拣野食，坐低唔洗等好耐就有得食。沾面选择有三款，包括鱼介豚骨沾面、鱼介豚骨焙煎黑芝麻沾面同埋鱼介豚骨蕃茄海虾沾面。入到去坐低，位置比起荃湾店同埋湾仔店阔落，台面有柠檬水、七味粉、辣椒酱、蒜蓉等等既野比客人可以依口味自己落。 1️⃣鱼介豚骨蕃茄海虾沾面（$88） 虾味好香好浓，蕃茄味唔算好突出，唔会抢fo😍沾面汁有好多樱花虾系面，入面有叉烧，切成一粒粒咁，肉质偏瘦。面系偏粗既，食落好弹牙🤤而且都挂汁～配料有紫菜同溏心蛋，好钟意呢度既配料可以换！个人唔太钟意食笋，于是换左多半只溏心蛋👍蛋几流心，但系本身冇乜调味。  另外食到咁上下，沾面汁变冻左既话可以同店员讲，佢会攞热石dum落个沾面汁到，整翻热佢。一dum落去，见到个汁即刻滚左滚，仲热到出烟😋食到最后记得要问店员加汤饮埋个汤汁佢！