影片
更多
2020-06-21
28 浏览
今日同朋友去左尖沙咀立體派食拉麵叫左大嘅特級白湯拉麵同鯖魚湯香菇野菜海蝦拉麵 白湯拉麵雞湯味濃郁 有三塊大片嘅叉燒 兩隻開邊唐心蛋 仲有拉麵唔少得嘅竹筍 份量充量 叉燒肥瘦適中 口感嫰滑 另外麵嘅軟硬度亦都適中 麵條掛湯 整體相當唔錯鯖魚湯香菇野菜海蝦拉麵湯底似醬油味 個人覺得同鯖魚味有啲出入 但湯底同麵條都幾夾 唯獨係蔬菜吸左湯汁味道會變得偏咸 至於海蝦方面 蝦嘅size都算大隻 一隻差唔多有一隻手掌咁大 同拉麵係分開上嘅 有好香嘅酒味 鐘意食蝦嘅朋友一定唔好錯過小食方面就叫咗香炸雞軟骨餃子同名古屋雞翼 雞軟骨餃子即叫即炸 雞軟骨炸到卜卜脆 香脆可口 整體口感豐富而雞翼就係雞全翼 外皮炸得啱啱好 面頭有少少蜜糖 食落少少酸酸甜甜 好野味開胃飲品方面朋友就叫左烏龍茶 係樽裝現成嘅 所以無乜特別 而我就叫左波子汽水 飲落童年回憶返晒黎 而味道亦都同大家飲開嘅一樣
今日同朋友去左尖沙咀立體派食拉麵
叫左大嘅特級白湯拉麵同鯖魚湯香菇野菜海蝦拉麵 白湯拉麵雞湯味濃郁 有三塊大片嘅叉燒 兩隻開邊唐心蛋 仲有拉麵唔少得嘅竹筍 份量充量 叉燒肥瘦適中 口感嫰滑
另外麵嘅軟硬度亦都適中 麵條掛湯 整體相當唔錯
鯖魚湯香菇野菜海蝦拉麵湯底似醬油味 個人覺得同鯖魚味有啲出入 但湯底同麵條都幾夾 唯獨係蔬菜吸左湯汁味道會變得偏咸 至於海蝦方面 蝦嘅size都算大隻 一隻差唔多有一隻手掌咁大 同拉麵係分開上嘅 有好香嘅酒味 鐘意食蝦嘅朋友一定唔好錯過
小食方面就叫咗香炸雞軟骨餃子同名古屋雞翼 雞軟骨餃子即叫即炸 雞軟骨炸到卜卜脆 香脆可口 整體口感豐富
而雞翼就係雞全翼 外皮炸得啱啱好 面頭有少少蜜糖 食落少少酸酸甜甜 好野味開胃
飲品方面朋友就叫左烏龍茶 係樽裝現成嘅 所以無乜特別 而我就叫左波子汽水 飲落童年回憶返晒黎 而味道亦都同大家飲開嘅一樣
张贴
