大勝軒丸一 (元朗廣場) (已結業)

實在好耐冇返鄉下，咁啱行過見到呢間日本過江龍嘅拉麵店，就入去試吓。睇完個餐牌，掙扎咗一陣究竟叫佢哋嘅名物沾麵好，定拉麵好，最後都係叫咗個魚介豚骨拉麵，加隻味付玉子。湯底超級濃郁，好厚身，充滿魚同豚骨味，麵條又粗又彈牙，好容易掛起啲湯汁。叉燒肥瘦適中，裏面仲有好多荀片，好豐富。另外仲叫咗佢哋個大勝軒炒飯併餃子定食，個炒飯用咗日本米，充滿蛋香同香蔥嘅味道。餃子外皮煎得香脆，送到黎仲熱辣辣。好滿足嘅一餐。