日本野 (已結業)

之前聽開朋友講日本野極度還原日本風味🇯🇵今次去到日本經過，就同朋友上嚟聚餐。石燒霜降和牛🐮首先鍾意打卡嘅人啱晒你😬而且自己動手燒，都可以根據自己嘅喜好燒牛肉到幾成熟。 一份霜降和牛大概十片左右，分量來講都唔算少✨ 而且牛肉嘅質感唔錯，不過就唔係快快都好靚啦但都算OK嘅。和牛沾鹽，牛肉味更重，更加滋味🤤呢個套餐仲包括左糖心蛋，沙律同白飯上面都有擺咗啲飯素。配埋一齊食一流❤️ 溫泉蛋和風燒牛肉丼🍚🐮🥚如果比較大食嘅人都非常之推介✨ 係飽肚之選💕牛肉丼份量十足，除咗飯多之外牛肉都唔少，而且都大大塊✨ 不過呢就偏韌，不過配埋溫泉蛋都唔錯。 整體來講一個正常水準但好大兜嘅丼飯😬-追加-芝士年糕🧀 我覺得芝士年糕非常推薦👍🏻 熱辣辣食嘅時候芝士仲拉到絲✨ 而且芝士味唔係嗰啲淡茂茂係非常濃郁🤤外脆內軟💕 食完一個唔夠口，搶埋個friend個份😂鰻魚玉子燒✨ 呢個鰻魚玉子燒都比較特別去配埋黑松露做點綴。玉子燒來講非常滑，配埋木魚片有另一種風味。鰻魚唔算好突出。但整體沾沙律醬非常之好味😋