影片
更多
2023-04-22
1633 浏览
📌 梅丘壽司の美登利総本店 (美麗華廣場) - 尖沙咀彌敦道132號美麗華廣場一期3樓312號舖🗓(22/4) 星期六 ⏰ 中午12:30左右 💈特式：日本嘅梅丘壽司美登利嚟香港開店都已經有4~5年，直到而家有旺角/沙田/青衣/尖沙咀4間分店，但我之前都係係日本食，係香港食都係第一次。🥩🍔🌭🌮🥗🥯🥘🍲🍝🍣🥟🍤🍱食物：我今日兩個人食，叫左兩個盛合set，另外再散叫左少少壽司，而家等我同大家講下🍣味道先。望月師傅特盛壽司$248 - 呢個盛合有10件壽司，1件手卷同1件玉子，另外仲有一個小沙律/赤麵豉湯/茶碗蒸。壽司有三文魚/帶子/油甘魚/鰈魚裙邊/吞拿魚赤身/大赤海老/大吞拿魚腩/蟹肉蟹膏/雜錦魚生杯/香蔥吞拿魚腩，個手卷就係雜錦魚生手卷。當中有帶子/大吞拿魚腩/大赤海老呢3款比較出色，其他都相對普通，手卷d紫菜亦偏淋。特選手握壽司盛合$298 - 呢個盛合就只有9件壽司，1件手卷同2件玉子。壽司有三文魚子/帶子/鱆紅魚/大赤海老/松葉蟹腳/燒鰻魚/海膽軍艦/2件中吞拿魚腩，個手卷就係蔥吞拿魚腩手卷。當中都係帶子/大赤海老，仲有松葉蟹腳/海膽軍艦都係偏好食，其他亦都相對普通，手
🗓(22/4) 星期六 ⏰ 中午12:30左右
💈特式：日本嘅梅丘壽司美登利嚟香港開店都已經有4~5年，直到而家有旺角/沙田/青衣/尖沙咀4間分店，但我之前都係係日本食，係香港食都係第一次。
🥩🍔🌭🌮🥗🥯🥘🍲🍝🍣🥟🍤🍱
食物：我今日兩個人食，叫左兩個盛合set，另外再散叫左少少壽司，而家等我同大家講下🍣味道先。
望月師傅特盛壽司$248 - 呢個盛合有10件壽司，1件手卷同1件玉子，另外仲有一個小沙律/赤麵豉湯/茶碗蒸。壽司有三文魚/帶子/油甘魚/鰈魚裙邊/吞拿魚赤身/大赤海老/大吞拿魚腩/蟹肉蟹膏/雜錦魚生杯/香蔥吞拿魚腩，個手卷就係雜錦魚生手卷。當中有帶子/大吞拿魚腩/大赤海老呢3款比較出色，其他都相對普通，手卷d紫菜亦偏淋。
特選手握壽司盛合$298 - 呢個盛合就只有9件壽司，1件手卷同2件玉子。壽司有三文魚子/帶子/鱆紅魚/大赤海老/松葉蟹腳/燒鰻魚/海膽軍艦/2件中吞拿魚腩，個手卷就係蔥吞拿魚腩手卷。當中都係帶子/大赤海老，仲有松葉蟹腳/海膽軍艦都係偏好食，其他亦都相對普通，手卷d紫菜同樣偏淋。
金目鯛手握壽司$55兩件 - 金目鯛係今期特別推介，呢個散叫有2件，一件就係新鮮金目鯛同一件灸燒金目鯛，新鮮個件比較好d，灸燒個件就麻麻地。
吞拿魚筋壽司$12 - 呢個吞拿魚筋未試過，見佢咁平就試下，不過都無特別，除左幾有咬口之外，唯一好處就係唔貴。
香蔥吞拿魚腩軍艦$15 - 因為我好鐘意食吞拿魚腩軍艦，但落order時無留意原來我叫個兩個盛合其中一個已經有香蔥吞拿魚軍艦，另一個就有香蔥吞拿魚手卷，如果唔係我應該唔會再加，因為都只係普通都不得了。
特級玉子壽司$35 - 呢個就見佢幾特別所以特登叫，佢係一件好大件嘅厚燒玉子，同埋一舊乜都無嘅軍艦係上面，個玉子真係好厚，蛋味都香，不過真係好甜，當甜品食就唔錯。
☕️🍵🥤🧋🍺🍷🥃🍹🧉🍾🍶🥛
飲品 : 餐廳有不少清酒/燒酒/啤酒可選擇，當然仲有普通汽水同幾款梳打，但我就無叫到，淨係飲佢地提供嘅茶水。
🍽環境：餐廳環境都幾好，成間餐廳內外都係走木系風格，好有日本feel，坐位大多鬆動闊落，仲有窗口位可以望到九龍公園，而且環境衛生，光猛企理。
🤵🏻🤵🏻♀️🤵🏻♂️服務：店員服務好，又有禮貌，餐廳係用QR Code落單，上菜時店員會介紹應該先食邊件，由淡至濃味咁食，店員refill茶水亦都好爽手。
💰💸價錢：叫左兩個盛合同散叫左6件壽司，埋單就大約$750蚊，其實價錢就偏貴同唔抵食。
🐲💬總結：話晒香港都係美食之都，仲有不少隱世壽司小店，我就情願去食個d，可能服務同環境會無咁好，但質素會係差唔多甚至更好，但價錢會平一截。
推薦指數：❤️❤️❤️🤍🤍
望月師傅特盛壽司
$248
66 浏览
0 赞好
0 留言
吞拿魚筋壽司/香蔥吞拿魚腩軍艦
13 浏览
0 赞好
0 留言
金目鯛手握壽司/特級玉子壽司
28 浏览
0 赞好
0 留言
特選手握壽司盛合
$298
47 浏览
0 赞好
0 留言
张贴
