朋友話有間新開嘅日本野想試吓
所以就選擇咗依間良鮨壽司❤️
入到去 侍應安排咗我哋坐bar枱位
可以望到魚生食物製作嘅過程 非常衛生同安心
依度係scan QR code落單嘅
朋友一開始已經被門口冰櫃嘅生蠔所吸引
所以我地叫咗兩件試吓 另外仲叫咗啲刺生
日本北海道仙鳳趾生蠔 超大隻
面頭個啲係檸檬果凍 仲有啲魚籽 好精緻～
雖然我本人係唔食生蠔
但係朋友大力推介話一睇就知好新鮮
最後都係一人一隻試吓
Wow一試真係顛覆咗我對生蠔嘅負面印象
依度嘅生蠔一啲腥味都冇 係好重鮮味而滑漏
個口感好特別 有種濃郁嘅感覺
難怪啲人話生蠔係海中牛奶
原來高質嘅生蠔係咁好食🤣
之後我地仲食咗鮮帶子 一樣係超大片 厚切🤤
唔算好鮮甜不過口感好軟韌 不過不失啦
牡丹蝦 好肥美😍
口感細軟甘甜 有種係口到慢慢融化嘅感覺
值得一試
中拖羅
魚香同油脂香味好重 😍
口感適中 唔算太腍身
魚生推介：
仙鳳趾生蠔⭐️⭐️⭐️⭐️⭐️⭐️⭐️必食推介！！
牡丹蝦⭐️⭐️⭐️⭐️⭐️好鮮甜😋
中拖羅⭐️⭐️⭐️⭐️⭐️
鮮帶子⭐️⭐️⭐️⭐️
之後我哋仲叫咗鮨壽司定食 跟細烏冬
份量超豐富 大滿足❤️
烏冬湯底好味 但烏冬質地唔算特別彈牙
壽司 蟹柳同玉子比較平淡
但除此之外 每 一 件 都 好 新 鮮
三文魚子壽司超大粒 朋友話好鮮味
海膽壽司好足料 奶滑濃郁 係我最愛嘅鮮甜味
平時好少食嘅鯛魚 都好好食 偏爽口甘甜
最後最後我地試埋炸物
芝士年糕🤤🤤
估唔到炸物都有驚喜 入面係流心㗎 ！ ！ ！
年糕嘅煙軔度係剛好 芝心香濃 係我食過最好味嘅芝士年糕
雞軟骨
兩個人食份量岩岩好 成日出面食到都太大份食唔晒
依到嘅雞軟骨炸得恰到好處 食落唔會太油膩
整體黎講 依度嘅魚生同炸物都好高質😍
特別推薦仙鳳趾生蠔
連我抗拒生蠔嘅人都愛上
非常推介大家嚟試吓❤️
