匠一麵屋 (已結業)

長沙灣呢間拉麵小店賣點係拉麵係由日本拉麵師傅主理，所以夠日本風味🇯🇵小店唔算好大，但係座位都唔算少。拉麵揀咗醬油拉麵及豚骨湯底拉麵，個人比較喜歡食醬油拉麵，因為醬油拉麵湯底唔會好鹹，而且幾香醬油味，呢度嘅拉麵係比較粗身，份量都幾多。拉麵軟硬度及粗幼度都係冇得選擇，全部係由師傅主理。拉麵都尚算幾彈牙，但係一碗份量都幾飽。糖心蛋整得唔錯，拉麵仲有蔥及筍。豚骨湯拉麵相對地湯底較「結」較creamy，比較濃味，適合鍾意濃湯或口味較重既人。小食叫咗一份細嘅炸雞，有四件。炸雞都幾大件，炸得幾香脆；仲有檸檬及沙律醬。餃子煎得好靚，個底脆脆地。可以一試日本師傅嘅傳統手藝。