影片
更多
2007-12-15
9 浏览
又係寫完3 個鐘英文字後的一餐飯... 久聞呢度d 燒玉子唔錯, 今日同朋友兩個人摸了上0黎食lunch, 叫了幾串串燒, 一個刺身set, 當然加個傳統燒玉子.刺身set 一客有6 款刺身, 一碗飯加一個味噌湯... 刺身賣相唔錯, 咁多樣以帶子最掂, 極鮮甜又肥美! 吞拿魚都唔錯, 新鮮, 味道濃郁; 其他(甜蝦, 三文魚腩, 油甘魚, 八爪魚, 仲有少少三文魚籽) 就較普通, 不過$88 咁0既質素, 算幾好了. d 飯食落似泰國米, 不過我0地叫0黎純粹為飽肚, 是但啦. 味噌湯材料幾豐富, 雖然無豆腐, 但好多昆布同豆卜(?), 味道唔會過鹹, 飲完又唔太口渴, 都唔錯.傳統燒玉子0黎到熱辣辣, 食落甜甜0地(但唔過甜!) 又好多汁, 好好食! 比起魚一丁0個d 已經幾掂但幾乾的煎蛋卷, 呢度的好食20 倍! 兩個人share 份量0岩0岩好, 推介! 另外仲有旁邊落了少少汁的蘿白茸, 凍凍0地又清甜, 都唔錯.串燒就以微燶0既燒牛油粟米最掂, 好香好爽甜, 食落/聞落好似popcorn, 但完全唔乾, 而且放了一陣先食都影響唔大, 推介!燒牛肉串肉味濃, 不過肉
刺身set 一客有6 款刺身, 一碗飯加一個味噌湯... 刺身賣相唔錯, 咁多樣以帶子最掂, 極鮮甜又肥美! 吞拿魚都唔錯, 新鮮, 味道濃郁; 其他(甜蝦, 三文魚腩, 油甘魚, 八爪魚, 仲有少少三文魚籽) 就較普通, 不過$88 咁0既質素, 算幾好了. d 飯食落似泰國米, 不過我0地叫0黎純粹為飽肚, 是但啦. 味噌湯材料幾豐富, 雖然無豆腐, 但好多昆布同豆卜(?), 味道唔會過鹹, 飲完又唔太口渴, 都唔錯.
傳統燒玉子0黎到熱辣辣, 食落甜甜0地(但唔過甜!) 又好多汁, 好好食! 比起魚一丁0個d 已經幾掂但幾乾的煎蛋卷, 呢度的好食20 倍! 兩個人share 份量0岩0岩好, 推介! 另外仲有旁邊落了少少汁的蘿白茸, 凍凍0地又清甜, 都唔錯.
串燒就以微燶0既燒牛油粟米最掂, 好香好爽甜, 食落/聞落好似popcorn, 但完全唔乾, 而且放了一陣先食都影響唔大, 推介!
燒牛肉串肉味濃, 不過肉質較0鞋, 亦比較乾.
燒雞肉串肉質幾嫩滑, 不過無乜肉汁又無乜味, 好在無雪味0者.
另外刺身set 有飲品送, 0係完全唔知飲乜好0既情況下, 我0地叫了店員提議的(熱)綠茶, 結果出奇地好飲, 好香炒米味, 飲完喉嚨好舒服, 又消滯, 唔錯.
店內燈光較暗, 型格十足, 亦真係好日本居酒屋feel, 環境令人幾舒服; service 都ok, 男waiter 有禮貌亦attentive.
埋單每人$100, 唔貴... 各方面都好唔錯, 會再幫襯!
张贴
