炎天丼 (已結業)

近排突然好想食天婦羅，但香港食天婦羅既餐廳都好貴。有次上openrice搵餐廳，無意中搵到呢間《炎天丼》。睇網上食評見到性價比超高，就黎試一試。旺角呢間分店位置好方便，原來成日都會經過附近，但一直都無發現過呢間餐廳。到門口，發現慶祝3周年，午餐減$10。我同朋友一人叫左一個海鮮天丼$54，最重要係唔洗加一。餐廳嘅天婦羅係即叫即整，落單之後等一陣就有得食。一見到碗天丼，好大碗，男生食一碗應該都會飽。餐廳建議先食自己最愛的炸物，然後再因應自己嘅喜好加入天汁同埋飯素。雖然呢間餐廳嘅用了比較平民化，但大每件天婦羅都炸到好脆。最特別呢度係會有菜心苗，菜心苗每1塊葉都好脆，好好味，CP值好高，似係出面中價日本餐廳既質素，甚至更好。天汁同飯素同天丼味道好夾。最好味係天丼中的流心蛋，餐廳講明蛋唔流可更換，用筷子吉村隻蛋，啲蛋黃流晒出嚟，同啲飯撈埋一齊，真係好正好好味最後埋單2人加埋都係$108，真係超級超級超級超級抵食！！極力推薦！！