丸十あぶり牧場 (已結業)

耐唔耐都要出去食下好野，經朋友介紹下黎左呢間丸十食日本野，佢話唔錯咁就黎試下。首先黎既係自家製明太子玉子燒，玉子非常嫩滑，加上明太子有少少鹹，可以吊味。之後黎主食鹽燒豚腩丼，豚腩肥美可口，仲可以加小小醬汁調味，另外有個溫泉蛋可以撈飯，倍感美味。黑色係醬汁，中間係檸檬汁。同埋燒牛舌丼，牛舌煙煙韌韌，夠薄身好有咬口，都係一個唔錯既選擇。呢度地方好大，環境唔錯，座位都舒適，價錢中等，食物質素都幾好，可以一試。