一點心 (The Hart)

同朋友去咗尖沙咀呢間點心小館，地方乾淨企理，最驚喜係價錢合理之餘，點心全部日日新鮮即場製造，熱辣辣上枱！

1

蟹皇蒸燒賣絕對係必點！燒賣頂頭鋪滿蟹籽，燒賣大粒飽滿。

鮮蝦菜苗餃入面包住成隻爽口大蝦同嫩綠菜苗，點少少辣椒油更提鮮。

而香茜牛肉腸，腸粉滑溜，牛肉餡混咗大量芫荽，香氣十足，最正係個豉油調得啱啱好，唔會太鹹。

我哋仲叫咗薑蔥牛柏葉，爽脆入味，薑蔥味好香！

個人喜愛鮮蝦腐皮卷，炸得金黃酥脆，蝦肉爽口。

最後叫咗碗菜乾威骨粥，粥底綿滑。菜乾嘅香氣令人諗起兒時味道。