丸亀製麵 (大本型)

营业中

休息中

無飯夫婦又出動，今晚想食烏冬。丸龜製麵係日本讚岐烏冬連鎖店，公司堅持即製、即煮。烏冬選擇好多，有咖喱烏冬，醬油烏冬，冷烏冬，湯烏冬，拌烏冬。店舖全自助形式，入到去自己搵位座。先係點餐處睇餐牌再點餐，拎左食物後，順勢向前有多款炸物可供選擇，之後付款。日式燒豚烏冬（中）$42 - 試左個秋之特選，湯底十分濃郁，烏冬彈牙有口感，煙韌。但燒豚肉份量則較少，但味道尚可。番茄牛肉牛蒡烏冬（中）$45 - 侍應將牛肉牛蒡畢落碗仔，拎去磅重後，先倒落烏冬度，保証無多無少😱😱，好均真呀😬😬😬 紅紅番茄湯底超級濃郁，番茄十分多，烏冬可掛起濃濃湯汁，酸酸甜甜，好開胃。炸物 - 多款炸物雖然已炸好，但有射燈照住保持溫度。星期一至四特價，做緊$20/2件，好抵。胡麻雞柳天婦羅 - 雞排好大塊，炸粉唔厚。胡椒加埋黑芝麻，好香口。鱈魚排天婦羅 - 炸得好脆口，外脆內軟，鱈魚肉質很嫩滑，無腥味。