MUM 日常野菜料理

Green Monday加上氣溫稍涼，Home Office的我就趁中午放飯，走遠少少去覓食。步行廿分鐘來到逸東酒店，發現原來地庫有個Food Hall，無乜所謂的我，就落去睇睇今天有乜嘢好食。

十二點左右，人未算多。尋尋覓覓，見到一間日本料理，再睇清楚原來係素食，啱晒Green Monday呢個名，就排隊買嘢食。

餐牌都有好多選擇，定食可揀三項或四項食品，真好！可以全部揀晒熱食，唔會限制多多。於是揀左素菜天婦羅、金平牛蒡、南瓜薯餅三款熱食。連五榖雜炊飯、湯、熱茶。自覺選擇唔錯！

五穀飯有我喜愛嘅鷹嘴豆，三項熱食就不過不失以Food Hall來說，已經算係好味，簡單，唔花巧。另一諗唔到係點解會用上韓式筷子？下次幫襯時問吓先。