坂奈 (已結業)

今日在銅鑼灣辦事，忙碌到九點尚未食飯，搵到家細細間的日式燒魚專門店，剛好適合我這些單身客人，座椅安排如拉麵店，對住師傅，望著佢燒，一個人唔會悶，我覺得有得做，吃魚比肉健康，燒魚香口，配杯酒，適合工餘後休息。可以在面前揀魚我揀了喜之次，因為比較熟識，燒魚套餐不只燒魚，如定食般包括前菜、沙律、飯及湯。魚燒得唔錯，型態依然有動感，肉嫩皮脆，骨都是脆可以食。炙燒帶子刺身香軟，夾埋蘿蔔一齊食，帶出鮮味，而三文魚的鹹香令味道更好；始終要有些肉，炆牛𦟌夠味，米飯香，整體有水準。配了杯柚子梅酒，味道香酸。