令和鍋物酒場

营业中

休息中

之前已經幫襯過尖沙咀店，今次就嚟到旺角店，店內掛了不少日本燈籠和旗幟，彷如置身日本居酒屋旺角店繼續提供一系列日式料理，如日式小食、鍋物、燒物和串燒等，總有一款啱心水🥢一人前石板燒 - 點了澳洲M9和牛貝肉 和 美國安格斯三角小排肉各100g，店員會幫手燒埋之餘，還會問想食幾成熟，非常細心！2款牛入口都好軟嫩，牛味濃，沾上店家嘅自家燒肉汁更好味🥢明太子免治雞肉棒 - 免治雞肉加埋雞軟骨，口感夠豐富，面頭搽了明太子醬，鹹鹹甜甜，非常惹味🥢什錦天婦羅 - 有蝦、南瓜、茄子和秋葵，麵衣夠酥脆，口感非常好🥢日本黑毛和牛鍋燒烏冬 - 原鍋上枱時還熱辣辣，配料有黑毛和牛、鳴門卷和溫泉蛋等，加上彈牙嘅烏冬，份量豐富，感覺滿足🥢巨峰提子乳酸梳打 - 巨峰提子味重，飲落好開胃🥢青蘋果乳酸梳打 - 陣陣青蘋果味，乳酸梳打酸甜開胃食物真係有好多選擇，例如特色嘅清酒蠔湯紙火鍋和西日式刺身系列，不過無咁大胃口，唯有下次再試！另外值得一提係餐廳提供了清酒放題，2個價錢分別可以嘆盡12款或24款清酒，啱晒清酒愛好者！