Mokumoku Yakiton (厚福街)

营业中

休息中

環境4分：樓上日式居酒屋格局，唔算好大，又有齊散座同吧位，夠casual，好有氣氛，可以畀四分。衛生5分：雖然個燒爐同廚房响吧位後面，但間舖都一Ｄ都冇好煙，抽氣好。枱面有個鐵桶放竹籤。又可以用個豬耙嚟將D串燒上面嘅食物分開，唔使整到成個嘴都係，絕對係有心思。另外就係間嘢有兩個大廁所，好乾淨，衛生可以畀五分。服務5分：服務員都好後生下，快手快腳，識得主動介紹招牌菜同解釋食材來源，又會成日替換Ｄ污漕碟，絕對係滿分表現。味道5分：1)      個蒜子蕃茄沙律好鮮甜，果Ｄ生蒜香得完全唔辣，真真好好食。2)      雞泡魚乾上台果陣時熱辣辣，食果陣時煙煙靭靭，飲啖啤酒食一條，唔覺唔覺好快食曬。3)      日本銀杏只係秋天收成，要食都要揀時候，食落口有少少甜，少少甘，好得意。4)      雞翼燒得好香，雞皮燒到脆卜卜，完全唔油，D肉仲好嫩。5)      豬喉軟骨串，呢樣嘢真係第一次食，食落口好脆，好似食緊軟骨咁樣，可以吞落肚。6)      上等豬脷串每串有兩塊大大塊豬脷，幾好咬口，燒到唔會好油膩。7)      燒羊架大件又juicy，有羊味但唔算好騷，質數可以媲美五星級酒店西餐廳。