影片
更多
2020-02-15
1283 浏览
今日同個好耐無見既朋友食飯，係觀塘區，識食一定係去工廈搵好野食！查人想食日本野，上網search 觀塘 工廈 日本菜，就搵到呢間 - 在家。最中意去小店，家庭感好重。舖頭都唔難搵，apm轉去駿業里兩分鐘就到。舖頭好細，只有二十個座位左右，裝潢係日本家庭風，有好多酒樽，感覺都好chill。入到去已經聞到一陣鮮味，呢度主打係食魚生飯既。飯未到先來一碗暖笠笠既麵豉湯，一飲就知真材實料，應該係用鮮蝦頭做底，係極鮮味同鮮甜，好濃好夠味，但一d都唔唔咸，飲完都無渴。料方面有羅白、海帶同豆腐。飲完好滿足！令我更期待個飯。飯方面，我叫左S3，有一舊加拿大海膽，兩隻蝦，四塊魚生、三文魚籽同玉子燒，料唔算話係最最新鮮（無計本人剛東京回來，築地的壽司實在太好味），但都算係新鮮，唔會有雪味Up味既情況，中上水準。朋友叫左S6，係蟹膏配海膽，佢果碗就有兩舊海膽、蟹膏同玉子燒，佢話蟹膏要配好多飯食，我自己試過一次係第二度食蟹膏飯，都係比較咸同濃味，我諗都係蟹膏既一貫表現啦！兩碗飯仔細細咁，但食完都好飽，飯係有少少醋撈過，粒粒分明既。wasabi係正宗生磨果種，所以唔會太攻鼻，豉油都係淡味，唔會搶左食材既鮮味！總括
舖頭都唔難搵，apm轉去駿業里兩分鐘就到。舖頭好細，只有二十個座位左右，裝潢係日本家庭風，有好多酒樽，感覺都好chill。
入到去已經聞到一陣鮮味，呢度主打係食魚生飯既。飯未到先來一碗暖笠笠既麵豉湯，一飲就知真材實料，應該係用鮮蝦頭做底，係極鮮味同鮮甜，好濃好夠味，但一d都唔唔咸，飲完都無渴。料方面有羅白、海帶同豆腐。飲完好滿足！令我更期待個飯。
鮮味面豉湯
30 浏览
0 赞好
0 留言
飯方面，我叫左S3，有一舊加拿大海膽，兩隻蝦，四塊魚生、三文魚籽同玉子燒，料唔算話係最最新鮮（無計本人剛東京回來，築地的壽司實在太好味），但都算係新鮮，唔會有雪味Up味既情況，中上水準。
海膽甜蝦魚生飯
$148
41 浏览
0 赞好
0 留言
朋友叫左S6，係蟹膏配海膽，佢果碗就有兩舊海膽、蟹膏同玉子燒，佢話蟹膏要配好多飯食，我自己試過一次係第二度食蟹膏飯，都係比較咸同濃味，我諗都係蟹膏既一貫表現啦！
蟹膏海膽飯
$158
30 浏览
0 赞好
0 留言
兩碗飯仔細細咁，但食完都好飽，飯係有少少醋撈過，粒粒分明既。wasabi係正宗生磨果種，所以唔會太攻鼻，豉油都係淡味，唔會搶左食材既鮮味！
總括黎講我比4粒星既，價錢少貴但食得出係靚食材！有機會可再戰！
张贴
