大家睇show前後都去附近飲飲食食
呢間居酒屋俾朋友盛讚舒服有氣氛
趁weekend去附近就即刻去試試！
原來2021年已經開咗，餐廳所有嘢好新淨
而且有啲簾分開每張枱，又有間房算闊落
晏晝去除咗可以叫menu嘅嘢仲有定食set
選擇比夜晚更加多～酒類選擇都有唔少！
揀咗個壽司烏冬定食同豚肉生薑燒丼
每個午餐都有配沙律同茶碗蒸
個蛋算淡身，有肉粒同冬菇但唔會喧賓奪主
總共有九款壽司配一個讚歧烏冬～
我最鍾意帆立貝同赤蝦有厚度又鮮甜
另一個丼飯嘅洋蔥味好香～～
每啖都聞到食到個香味～豚肉份量唔少
醬油唔會太鹹，夾埋啲飯恰到好處
去廁所經過酒櫃見到好多卡仔介紹酒
所有擺盤同用具都好有心機～
下次一定要再去支持小店！
