東海堂 (卓爾廣場) (已結業)

屋企人又買一個蛋糕返來，話適逢星期日又係舊曆生日，點都要慶祝一下，揀白桃係因為鍾意食桃，又有壽桃的意義喎......造型係幾別緻嘅，白桃滿佈蛋糕面，似個小山丘，旁邊圍住忌廉裝飾，仲有啲小銀粒，有啲貴氣。但係啲桃無桃味，反而有陣不知名味道，口感唔算腍又唔係脆...忌廉裝飾算係幼滑。內層海棉蛋糕夾有白桃忌廉，仲有粒粒白桃果肉和桃味果凍，呢啲果肉反而有些少桃味。一家人都鍾意食日本桃，無咗期望嘅日本桃香和口感，老實講真係有啲失望。