西龍傳香飯糰 (已結業)

本人逢初一十五都食素，其實搵素食又要唔太貴就真係幾難~屋企同公司附近都冇素食店，就係一次素食日路經鑽石山，想起西龍傳香或者會有就走左去~去到，見到餐紙上有素食類，而且素同肉類係分開夾，令我都鬆一口氣，原來都仲有選擇！落完單，店員隨即為我打點，我有點緊張，所以好專心咁睇晒成個過程，全程店員都係用素夾，去到最後，佢唔小心將一粒梅乾跌左落肉鬆度，好順手又夾番上去個飯團度，然後包包包...佢拎俾我，我問佢係咪整到D肉鬆，佢回答我係，我話我不能食肉，然後佢就轉身將個粒有肉鬆既梅乾取走再包，再俾我...我心裡面好抱歉，但都要要求佢換過一個俾我，因為肉鬆會周圍粘，即使換走梅乾，但飯團已經染有肉鬆成份，我以原則之下無法收下...店員面轉黑了，於是問問身邊既同事，該同事亦表示會換俾我，我都放心一下...雖然我冇事先同佢講清楚唔可以沾到肉類，見到該店有分肉類素食既夾以為會認真對待，但我絕無心理準備佢會失手，經過今次，我會諗清楚會唔會再係素食日幫襯，還是我都要事先好好叮囑店員小心。講番該飯團，同以往一樣還不錯，但係飯只係微溫，唔似以往既溫熱的。梅乾有D似平時食既齋叉燒，但又有些少梅既味道，感覺幾得意~其他既