海老名沾麵

营业中

休息中

酱油沾面（$78）呢间铺绝对系我食过最好食嘅一间，餐牌上只有3款沾面（酱油、味增、蕃茄）我最钟意食嘅就系酱油味。首先讲呢3款共同之间嘅味道先。3款其实都系浓虾汤底，系有大量樱花虾、加上蒜、红葱头、日本大葱嘅配料而成嘅汤。我相信钟意食蒜/重口味嘅人就会爱上佢。跟住讲下3款汤嘅分别。味增食落系咸啲，通常我食到最尾1/4就会开始觉得腻；蕃茄食落个蕃茄味抢左个樱花味，变左成碗野个味失焦。而酱油带少少甜，我觉得可以沟落个浓虾汤系岩岩好！整体个汤个浓稠度岩岩好。我食过其他店嘅汤系偏稀，好似普通汤咁，搞到啲面挂唔到汁另外讲下个面，粗幼岩岩好，我觉得跟佢本身个软硬到都适中，可以挂到好多汁。