CHOO CHOO (已結業)

Choo Choo 係一間以旅行為主題ge西餐廳，一入去ge就好似置身於日本JR車箱中，兩邊牆身都有screen 播住北海道雪景，連行李架都有，好有旅行feel。餐廳餐牌都別出心裁，設計為一本旅行記事本，入面亦有記載店主係北海道旅行的經歷，貫徹餐廳旅行主題。我地見openrice 食評大多推薦牛肩胛，一於一試。牛肩肉上鋪滿牛油碎粒，上台後慢慢融化，見到都流口水。食落肉汁鮮嫩，約五成熟，口感一流，好滿足。另外配上黑松露波特菇，黑松露味好香，食落層次分明，好味👍🏼另外叫左泰式軟殼蟹羅勒黑墨魚麵，辣勁十足，十分惹味，越食越開胃。軟殼蟹香脆美味，意大利麵份量亦唔少。餐飲分別叫左杯橙汁同蘋果汁，不過不失。Overall 餐廳食物味道不俗，環境氣氛一流，值得再次光臨。