咖啡綠茶 (已結業)

舊同事聚舊，大家各散東西，要約一定要係市中心，方便大家放工盡快開餐。隊長今次揀左旺角既咖啡綠茶，貪佢地點方便，又真係幾方便既，一入到去都幾靜幾舒服，同下面西洋菜街係完全2個世界，舊同事電話無電，cafe都有插蘇位比人差電其實食物選擇唔多，反而飲品就好多選擇，要花d時間先睇得晒同決定選擇，我地叫晒佢4款意粉+小食，小食叫左薯條+炸雞+2款雞翼：明太子雞翼&單骨雞翼，個人會覺得明太子會好食d，因為佢既明太子份量都多，辣辣地都幾好味，反而個單骨雞翼炸得乾左少少。4款意粉：白汁黑松露煙肉、拿破佈侖海鮮、菠菜煙三文魚、南瓜肉醬，我會鍾意黑松露煙肉果個，因為香d，同埋個sauce唔係煮到一pat pat，不過呢到既食物味道偏淡，重口味人士未必鍾意。至於飲品，隊長飲左個夏威夷雞尾酒酒果粒茶(Pina colada!?)……um，酸左少少，而且飲花茶個杯細到好似飲功夫茶果個杯甘細，斟茶斟到好攰，雖然可以比我慢慢坐，不過都可以換個大少少既杯既。有人叫左杯咖啡，都好似幾香，下次上黎hea時可以試下！不過人手唔夠，大家要比少少耐性，同埋預番時間落單。